बापरे! जिल्हा मध्यवर्ती सहकारी बँकेच्या नोकर भरतीत 100 कोटीची उलाढाल

हॅकर्सचा स्क्रीन हॅक करण्याचा प्रयत्न                                                                                                                                                 परिक्षेच्या पहिल्याच दिवशी २१ जानेवारीला राज्यातील काही मोजक्या केंद्रावर तांत्रिक बिघाड झाला आणि परिक्षा पुढे ढकलण्यात आल्या. मात्र हा तांत्रिक बिघाड नव्हता. काही हॅकर्सनी स्क्रीन हॅक करण्याचा प्रयत्न केला. आपल्या चोरीत आणखी वाटकेरी निर्माण झाल्याचे कंपनी आणि या गैरव्यवहारत सक्रीय बॅंकेतील काही संचालकांच्या लक्षात येताच त्वरीत परिक्षा पुढे ढकलण्यात आली. मुळात आयटीआय कंपनीने परिक्षेच्या दोन दिवस आधी मॅाक ड्रील घेतली होते. ते यशस्वीही ठरले. आॅनलाईन परिक्षेत एकूण परिक्षणार्थ्यांच्या दहा टक्के संगणक राखीव असतात. त्यानंतरही हा प्रकार तांत्रिक बिघाड म्हणून सांगण्यात आला. मात्र हा सायबर हल्ला होता. या सायबर हल्ल्यात बॅकेतील एक विरोधी संचालकही सामील आहे.

ओरीजनल डाक्युमेंन्टस तारण                                                                                                                                                        सुरूवातीला काही संचालकांनी रोख रक्कम स्वीकारली. मात्र भरतीला होणार विरोध आणि पैसे घेतल्याच्या तक्रारी पोलिसांकडे झाल्यानंतर ते सावध झाले. त्यानंतर त्यांनी सेटींगवाल्या उमेदवारांचे ओरीजनल डाक्युमेंन्टस आपल्याकडे तारण म्हणून ठेवले. मुलाखतीला जाताना आणि डॅाक्युमेंट व्हेरीफेकशन साठी ओरीजनल कागदपत्र हवे असतात. ते सोडविण्यासाठी तीस ते ४० लाख रुपये उमेदवार देत आहे. बॅंकेतील काही संचालक आणि आयटीआय कंपनीचे अधिकारी यांचा भ्रमणध्वनाची सीडीआर काढल्यास अनेक धक्कादायक बाबी समोर येतील.

केवळ दोन जिल्ह्यातील उमेदवार पात्र !                                                                                                                                            शिपाई पदांच्या मुलाखतीला बोलविण्यासाठी २९१ पात्र उमेदवारांची यादी बॅंकेने जाहीर केले. या यादीतील उमेदवारांचे पत्ते शोधल्यास बॅंकेच्या नोकर भरतीतील घोळ समोर येईल. जवळपास ९० टक्के नावे ही चंद्रपूर आणि गडचिरोली जिल्ह्यातील आहे. राज्यभरातील विद्यार्थ्यांनी परिक्षा दिली. दोनच जिल्ह्यातील विद्यार्थी पात्र ठरले. त्यातही मुल, ब्रह्मपुरी, सावली, वरोरा, राजुरा, भद्रावती याभागातील उमेदवार मोठ्या संख्येत मुलाखतीसाठी बोलविले आहे.

आज पासून आमरण उपोषण                                                                                                                                                            सिडीसीसी बँकेतील बेकायदेशीर नोकरभरती, भ्रष्टाचार, आणि मागासवर्गीय आरक्षण डावलल्याच्या विरोधात आज दुपारी 12 वाजतापासून सिडीसीसी बँक कार्यालयासमोर आमरण उपोषण सुरू करत आहेत.  ही लढाई भ्रष्ट व्यवस्थेच्या विरोधात आहे आणि मागासवर्गीय विद्यार्थ्यांच्या हक्कांसाठी आहे. आपण या लढ्यात सहभागी होऊन न्यायासाठीचा संघर्ष यशस्वी करूया.                                                                                                                  मनोज पोतराजे,                                                        भाजप ओबीसी मोर्चा महानगर जिल्हाध्यक्ष