नागरिकांत दहशत
वनकर्मचाऱ्यांचा तगडा बंदोबस्त
आशिष गजभिये
चिमूर : तालुक्यातील ब्रम्हपुरी वनविभाग अंतर्गत चिमूर वनपरिक्षेत्र येणाऱ्या खानगाव येथे बुधवारला शेतकरी अंकुश खोब्रागडे ला हल्ला करून ठार केल्याची घटना उघडकीस आली होती. दरमण्यान शुक्रवार ला पहाटेच्या सुमारास पट्टेदार वाघ राष्ट्रीय महामार्गावर वसलेल्या वहानगाव येथे आढलून आला असल्याने परिसरातील नागरिकांत त्यांची चांगलीच दहशत पसरली आहे.
. बुधवारला वाघाच्या हल्यात मृत्यूची घटना उघडकीस आल्यानंतर नागरिकांनी वनविभागाकडे आक्रमक होत वाघाचा तत्काळ बंदोबस्त करण्याच्या मागणी केली होती. दरम्यान खबरदारी म्हणून वनविभागाने त्या घटनास्थळ परिसरात ट्रॅप कॅमेरे व गस्त सुरू केली होती.दरम्यान तो वाघ घटनास्थळी लावण्यात आलेल्या कॅमेरात कैद झाला असून संभाव्य परिस्थिती लक्षात घेता परिसरात गस्त सुरू असल्याची माहिती दैनिक नवजीवन ला खडसंगी चे क्षेत्र सहायक (प्रादेशिक) उत्तम घुघरे यांनी दिली.
. दरम्यान शुक्रवारला पहाटेच्या सुमारास घटनास्थाळपासून सुमारे चार कि.मी. अंतरावर वहानगाव (बोथली) येथिल रतनसिग अंधरेले यांचे घराजवळ व राष्ट्रीय महामार्ग परिसरात वाघ असल्याचे उघडकीस आले. या घटनेची माहिती मिळताच वनविभागाचे खडसंगी बफर चे वनपरिक्षेत्र अधिकारी किरण धानकुटे, क्षेत्र सहायक गेडाम व वनरक्षक, वनमजूर, वाघ्र संरक्षण दल, प्रादेशिक वनविभागाचे अधिकारी कर्मचारी दाखल झाले. त्यांनी परिसरात गस्त केली. सातत्याने सकाळ पासून गस्त विविध पथकांच्या माध्यमातून राबिण्यात येत आहे. या मुळे गावातील नागरिकांत कमालीची दहशत निर्माण झाली असून वाघाचा बंदोबस्त करण्याची मागणी केली जात आहे.
“परिसरात वनविभागाचे अधिकारी – कर्मचारी विविध पथके बनवून सयुक्तपणे गस्त करीत आहेत.नागरिकांनी सतर्कता बाळगावी या साठी जनजागृती करण्यात येत आहे.परिसरात ट्रॅप कॅमेरे लावण्याची प्रक्रिया सुरू आहे. किरण धानकुटे, वनपरिक्षेत्र अधिकारी (बफर) खडसंगी
“वाघाचा मानवी वस्तीत प्रवेश झाल्याने नागरिकांत भीतीचे वातावरण निर्माण झाले असून मानव व वन्यजीव संघर्ष यातून उद्भवू नये म्हणून वनविभागाने प्रभावीपणे आखणी करून उपाययोजना कराव्यात.वाघाचा तत्काळ बंदोबस्त करावा. प्रशांत कोल्हे, उपजिल्हा प्रमुख, शिवसेना (उ.बा. ठा.), सरपंच वहानगाव (बोथली)
