- प्रेक्षकांची अलोट गर्दी –
- दुसऱ्या दिवशी रंगला 224 लढतींचा महासंग्राम
- 600 हून महिला कुस्ती पटूं
चंद्रपूर
. राज्याचे विरोधी पक्षनेते तथा ब्रम्हपुरी विधानसभा क्षेत्र आमदार विजय वडेट्टीवार यांच्या वाढदिवसाच्या शुभ पर्वावर विजय वडेट्टीवार मित्र परिवार ब्रह्मपुरी व तालुका कुस्तीगीर संघ ब्रह्मपुरी यांचे संयुक्त विद्यमाने ब्रह्मपुरी येथे दुसरी किताब महाराष्ट्र केसरी महिला कुस्ती स्पर्धेचे आयोजन करण्यात आले. या स्पर्धेचा दर्शनीय उद्घाटन सोहळा काल थाटात पार पडला. यात महाराष्ट्रातील कानाकोपऱ्यातून 600 हून महिला कुस्ती पटूंनी विद्यानगरी ब्रह्मपुरी गाठत आयोजित महिला महाराष्ट्र केसरी कुस्ती स्पर्धेत सहभाग नोंदविला.
. तीन दिवसीय आयोजित स्पर्धेच्या दुसऱ्या दिवशी एकूण 224 महासंग्राम चांगलाच रंगला. यात सहभागी स्पर्धकांनी आपला अनुभव व संपूर्ण ताकदीनिशी सामन्यात रंगत आणली. कुस्तीपटूंच्या विविध डावपेचांचा थरार उपस्थित दर्शकांनी अनुभवला. व ब्रह्मपुरीकर नागरिक मंत्रमुग्ध झाले.
. आज सकाळपासूनच आयोजकांमार्फत नियोजित वेळापत्रकानुसार कुस्ती सामन्यांच्या लढती वयोगटांनुसार घेण्यात आल्या. यात 50 किलो गटातील लढती मध्ये गौरी पाटील कोल्हापूर (विजयी)विरूद्ध इशा धोंगडे बुलढाणा,इशिता मनोहरे नागपूर(विजयी) विरूद्ध सोनी राठोड धुळे,अमृता यादव मुंबई (विजयी) विरूद्ध प्रियदर्शनी अमरावती,दुर्गा शिरसाट संभाजीनगर(विजयी) विरूद्ध सायली यादव रत्नागिरी, नंदिनी साळुंके कोल्हापूर(विजयी) विरुद्ध प्रणाली झंजाडे भंडारा, ज्ञानेश्वरी पुणे (विजयी) विरुध्द प्राची सावंत सातारा, भारतीय टेकाडे अकोला(विजयी) विरूद्ध स्नेहल पवार धाराशिव, मनीषा सेतार ठाणे (विजयी)विरूद्ध माया जाधव नाशिक, 53 किलो गटातील लढती आदिती शिंदे पुणे(विजयी) विरूद्ध पल्लवी बांगळी सांगली, साक्षी इंगळे पुणे (विजयी) विरुध्द सोनाली गिरगे संभाजी नगर, रशिका राणे कल्याण(विजयी) विरूध्द स्वाती धावडे रत्नागिरी, स्वाती शिंदे कोल्हापूर (विजयी)विरुद्ध सोनम वाकडे ठाणे, किर्ती गुडघे धुळे(विजयी) विरूद्ध हैसा शिवरे ठाणे, पुनम गाडे अहमदनगर(विजयी) विरूध्द वृषाली खंडेराव बुलढाणा, रुतुजा पवार सातारा(विजयी ) विरूद्ध अमृता भाकरे ठाणे, 55 किलो गटातील लढती साक्षी शिंदे धुळे(विजयी) विरूद्ध सुरभी पाटील रायगड, धनश्री फंड(विजयी) विरुध्द नेहा चौगुले कोल्हापूर, साक्षी कारू नागपूर(विजयी) विरूद्ध आचल वाघमारे अमरावती, पल्लवी सुपनर सोलापूर (विजयी)विरूद्ध जयंती शाम नागपूर, स्मिता पाटील कोल्हापूर(विजयी) विरूद्ध ऐश्वर्या सणस ठाणे, प्रतिक्षा खोडकर पुणे(विजयी) विरुध्द दिक्षा तायडे पुणे बुलढाणा, धनश्री चौधरी संभाजीनगर (विजयी)विरूद्ध उज्वला पाटेन यवतमाळ, तुलसी पाखरे वाशिम (विजयी)विरूद्ध करिश्मा चौधरी मुंबई, 57 किलो वजनगट अश्विनी अग्रजे बीड(विजयी) विरूद्ध प्रेरणा अकोडकर अकोला तनू जाधव चंद्रपूर (विजयी)विरूद्ध अंकिता कोळेकर सोलापूर सिमरण कोरी मुंबई(विजयी) विरुद्ध उर्जिता मेटके वाशिम अलिशा कांबळी कोल्हापूर(विजयी) विरुद्ध निलम शिरसाट नाशिक सेजल पाटील रायगड(विजयी) विरूद्ध प्रियंका कंची असे विविध वयोगटातील महिला कुस्तीपटूंचे सामने पार पडले. आज सकाळपासूनच महिला कुस्तीपटूंचे सामने बघण्यासाठी नागरिकांनी प्रचंड गर्दी केली होती. विद्यानगरी ब्रह्मपुरी शहराला सांस्कृतिक सामाजिक शैक्षणिक व क्रीडा असा चौहेरी वारसा लाभला असून तत्पूर्वी राज्याचे विरोधी पक्षनेते तथा ब्रह्मपुरी विधानसभा क्षेत्र आमदार विजय वडेट्टीवार यांनी विविध स्पर्धा, सांस्कृतिक महोत्सव, क्रीडा स्पर्धा, मार्गदर्शन शिबिरे ,आरोग्य शिबिरे, आणि अनेक सामाजिक कार्याचे आयोजन करत एक सच्चा जनसेवक व मनकवडा लोकप्रतिनिधी ते सहृदय नेता अशी ख्याती मतदारसंघासह संपूर्ण राज्यात मिळवली आहे .
कुस्ती स्पर्धेत दिग्गज महिला कुस्तीपटूंचा सहभाग
. नगर जिल्ह्यातील आंतरराष्ट्रीय कुस्तीगीर भाग्यश्री फंड, नाशिक येथील राष्ट्रीय ब्रांझ पदक विजेती सोनाली मंडलिक, सांगली येथील पहीली महाराष्ट्र महिला केसरी कुस्ती विजेती प्रतिक्षा बागडी, राष्ट्रीय पदक विजेती अमृता पुजारी (कोल्हापूर), रौप्यपदक विजेती संजना बागडे, खेलो इंडीया रौप्यपदक विजेती वैष्णवी कुश्यापा ह्या प्रमुख महिला पहिलवान महाराष्ट्र केसरी कुस्ती स्पर्धेत आपले कसब पणाला लावणार आहेत. तसेच इतर गटांमध्ये शिवछत्रपती पुरस्कार विजेती स्वाती शिंदे सुध्दा खेळणार आहे. सबज्युनिअर गटात 40 किलो ते 73 किलो पर्यंतचे वजन गटात 92 लढती झाल्या.सिनीअर गटात 50 ते 72 किलो व महिला महाराष्ट्र केसरी गटात 65 ते 76 किलो वजन गटात 132 लढती झाल्या.आयोजित स्पर्धेत बंकट यादव स्पर्धा प्रमुख तांत्रिक समिती, पंचप्रमुख नवनाथ ढमाळ यांच्या मार्गदर्शनाखाली राज्य, राष्ट्रीय व आंतरराष्ट्रीय पंच या स्पर्धेत न्यायदानाचे काम करत आहेत.
