स्थानिकांना रोजगार देण्याची मागणी
राष्ट्रवादी काँग्रेसचे आंदोलन
माजरी : माजरी परिसरात मोठ्या प्रमाणात कोळसा खाणी आहेत. या खाणीत अनेक खासगी कंपण्या कार्यरत आहेत. मात्र या कंपन्यांमध्ये स्थानिक बेरोजगारांना नोकऱ्या दिल्या जात नाही. कंपन्यांमुळे माजरी परिसरात प्रदूषण वाढले असून त्याचा त्रास स्थानिक नागरिकांना सोसावा लागत आहे. याशिवाय वेकोली तर्फे ओव्हर बर्डन ची नियम बाह्य वाहतूक करण्यात येत आहे. या समस्यांच्या विरोधात राष्ट्रवादी काँग्रेस शरद पवार गटातर्फे आंदोलन करण्यात आले. यावेळी तब्बल दोन तास वेकोली ची ओव्हर बर्डन वाहतूक बंद पाडली होती. पोलिसांच्या मध्यस्थीने वाहतूक पूर्ववत सुरू करण्यात आली.
. विविध समस्यांच्या विरोधात राष्ट्रवादी काँग्रेस शरद पवार गटातर्फे माजरी वेकोली येथे आंदोलन करण्यात आले. वेकोली अंतर्गत येणार्‍या कंपन्यांमध्ये माजरी परिसरातील बेरोजगार युवकांना रोजगार देण्यात यावा व परिसरातील प्रदूषणावर अंकुश आणावा अशी मागणी या आंदोलनाच्या माध्यमातून राष्ट्रवादी काँग्रेस तर्फे करण्यात आली आहे. राष्ट्रवादी काँग्रेस पक्ष शरद पवार गटाचे सामाजिक न्याय विभागाचे तालुका अध्यक्ष श्रीकृष्ण वनकर यांच्या नेतृत्वात पक्षाच्या कार्यकर्त्यांनी माजरी येथील परिसरात वेकोली ची ओव्हर बर्डन करणारी वाहतूक तब्बल दोन तास बंद पाडली. माजरी पोलिसांनी घटनास्थळी जाऊन आंदोलन कर्ते श्रीकृष्ण बनकर व राजू वर्मा यांना ताब्यात घेऊन बंद पडलेली वाहतूक पूर्ववत सुरू केली. सदर आंदोलनात माजरी येथील राष्ट्रवादी काँग्रेसचे कार्यकर्ते तथा परिसरातील बेरोजगार युवक सहभागी झाले होते.
आम्ही पोलिसांना पूर्वसूचना देऊन ही पोलीस घटनास्थळी एक तास उशिरा येऊन आम्हाला पोलीस स्टेशन माजरी येथे घेऊन गेले. दरम्यान तेथे जवळपास चार तास बसवून आम्हाला सुटका देण्यात आली. पोलीस स्टेशन मध्ये चड्डा कंपनीतील कर्मचाऱ्यांनी मला आश्वस्त केले की मी काही दिवसात गावातील बेरोजगारांना रोजगार देईल. श्रीकृष्ण (बंडू) वनकर, तालुका अध्यक्ष, सामाजिक न्याय विभाग भद्रावती, राष्ट्रवादी काँग्रेस
