दैनिक नवजीवन वृत्तपत्राचा चा दणका
सिंदेवाही : गडबोरी जवळ असलेल्या राईसमिल परिसरात रेती तस्करांनी अवैद्यारीत्या रेतीचा मोठा साठा तयार केला असल्याची बातमी दैनिक नवजीवन या वर्तमान पत्रात प्रसिद्ध होताच सिंदेवाहीचे तहसीलदार संदीप पानमंद यांनी बातमीची त्वरित दखल घेत तो रेतीचा अवैध्य साठा जप्त केला असून रेती तस्करांचा शोध घेणे सुरू असल्याची माहिती तालुका प्रशासनाने दैनिक नवजीवन ला दिली आहे.
. सिंदेवाही तालुक्यात रेतीचे अनेक घाट असून मागील वर्षी आठ ते नऊ घाट लिलाव करण्यात आले होते. त्यामुळे रेती तस्करीवर बऱ्याच प्रमाणात अंकुश लावण्यात आला. मात्र यावर्षी तालुक्यातील कोणत्याच रेती घाटांचा लिलाव झाला नसल्याने तस्करांना रेती चोरी करण्यासाठी सर्व रान मोकळे झाले आहे. दरम्यान टेकरी उर्फ वानेरी या १९ क्रमांकाच्या साज्यातील मौजा लाल चीचबोडी येथील गट नं.१४/१ या सरकारी जागेमध्ये रेतीचा अवैध्य साठा असल्याची माहिती प्राप्त झाली. त्याबाबत शनिवारी दैनिक नवजीवन या वर्तमान पत्रात ” गडबोरी येथील अवैध्य रेतीचा साठा कुणाचा” या शीर्षकाची बातमी प्रसिद्ध होताच सिंदेवाहीचे तहसीलदार संदीप पानमंद यांनी लागलीच सदर बातमीची दखल घेऊन मोहाळी चे मंडळ अधिकारी ए .व्ही.गेडाम यांचे नेतृत्वात इतर महसूल कर्मचारी यांना सोबत घेऊन त्या रेती साठ्याचा पंचनामा केला. आणि त्यावर जप्तीची कारवाही करूंन रेती साठा लिलाव करण्याची प्रक्रिया सुरू केली असल्याची माहिती तहसीलदार पानमंद यांनी दिली आहे.
. लाल चीचबोडी येथील नदिघटामधून शेकडो ब्रास रेती चोरी करून त्याच परिसरात अवैध्य साठा तयार करण्यात आला असताना येथील तलाठी अहिरकर यांनी या साठ्याकडे कानाडोळा का केले? त्यांना या साठ्याची कल्पना नव्हती? की, त्यांच्याच कृपेने असे अवैध्य रेतीचे साठे तयार करण्यात आले? असे अनेक प्रश्न नागरिकांनी विचारले आहे. जप्त केलेला रेतीचा साठा कुणाचा आहे? तो साठा कुणाच्या सांगण्यावरून तयार करण्यात आला. यामध्ये कोणते अधिकारी सहभागी आहेत का? याचीही चौकशी करण्याची मागणी माध्यमातून होत आहे.
जप्तीची कारवाही दैनिक नवजीवन या वर्तमान पत्रातील बातमी वरून लाल चीचबोडी परिसरात अवैध्य रेती साठा असल्याची माहिती प्राप्त होताच कार्यालयातील कर्मचाऱ्याना सदर ठिकाणी पाठवून रेतीचा पंचनामा करून जप्तीची कारवाही केली. व रेती साठ्याचा लिलाव करण्याची प्रक्रिया कार्यालय सुरू झाल्यावर करण्यात येईल. सध्या महसूल कर्मचारी यांना रेती साठ्यावर देखरेख करण्याची जबाबदारी दिली आहे. संदीप पानमंद, तहसीलदार, तहसील कार्यालय सिंदेवाही
