सर्व पक्षीय कार्यकर्त्यांचे मजुरासह ठिय्या आंदोलन
भाजपाच्या कार्यकर्त्यांच्या वशिल्याने रोजगार देण्याचा आरोप
विसापूर
. बल्लारपूर तालुक्यातील विसापूर गावाच्या हद्दीत जागतिक दर्जाचे वनस्पती उद्यान व संशोधन केंद्र आकारास येत आहे. या प्रकल्पाचे कामकाज अंतिम टप्प्यात येत आहे. मात्र स्थानिक मजुरांना कामावर घेतले जात नाही.भाजपाच्या कार्यकर्त्यांच्या शिफारशीने कामगारांना घेतले जात असल्याचा आरोप करत सर्व पक्षीय कार्यकर्त्यांनी बुधवारी वनस्पती उद्यानाच्या प्रवेशद्वारा समोर ठिय्या आंदोलन करून वन विभागाच्या प्रशासनाला वेठीस धरून एल्गार केला.
मध्य चांदा वन विभागाच्या अख्त्यारीत विसापूर गावाच्या हद्दीत श्रदेय माजी पंतप्रधान अटल बिहारी वनस्पती उद्यान आकारास आले आहे. सुरुवातीला या उद्यानाच्या कामावर रोहमीयोच्या माध्यमातून काम केले जात होते.त्याच प्रमाणे खासगी कंत्राटदरच्या मार्फत सार्वजनिक बांधकाम विभागाने कामकाज केले आहे. आजघडीला या वनस्पती उद्यानातील काम पूर्ण होण्याच्या मार्गांवर आहे. मात्र स्थानिकांना डावलून भाजपाच्या कार्यकर्त्यांच्या मर्जीतील लोकांना येथे कामाला घेतले जात असल्याचा आरोप आंदोलनकर्त्यांनी करून वनस्पती उद्यानाच्या प्रवेशद्वारासमोर दोन दिवसापासून ठिय्या आंदोलनाचा मार्ग पत्करला आहे.
. आंदोलनकर्त्यांनी बुधवारी उग्ररूप धारण करून शेकडो बेरोजगार मजुरसह बॅटनिकल गार्डनच्या प्रवेशद्वारासमोर ठिय्या देऊन रोजगार द्या,म्हणून आंदोलन केले.यामुळे वन विभाग प्रशासन अडचणीत आले.येत्या १५ जानेवारी पर्यंत यावर तोडगा काढण्याचा इशारा आंदोलनकर्त्यांनी वन विभागाला दिला आहे. विसापूर येथील स्थानिक बेरोजगारांना आवश्यकतेनुसार सर्व समावेशक पद्धतिने रोजगार उपलब्ध करून द्यावा. भाजपाच्या कार्यकर्त्यांच्या मर्जीतील लोकांनाच रोजगार देण्यात येऊ नये,अशी आग्रही भूमिका आंदोलनकर्त्यांनी घेतली आहे.
. यावेळी उद्धव बाळासाहेब ठाकरे समर्थक शिवसेनाचे जिल्हा प्रमुख संदीप गिऱ्हे, बल्लारपूरचे माजी नगरसेवक सिक्की उर्फ विनोद यादव, बल्लारपूर तालुका समन्व्यक तथा ग्रामपंचायत सदस्य प्रदीप गेडाम, वंचित बहुजन आघाडीचे जिल्हा उपाध्यक्ष रमेश लिंगमप्ल्लिवार,अंकुश नारलावार, सचिन पेटकर यांच्या नेतृत्वात शेकडो बेरोजगार मजुरांची उपस्तीथी होती.
श्रदेय अटल बिहारी बॅटनिकल गार्डन मध्ये कामगार व मजूर भरतीची प्रक्रिया पुणे येथील बी.व्ही.जी. या खासगी कंपनी मार्फत केली जात आहे. त्या कंपनीने अर्ज मागवून सुरक्षा गार्ड व मजुरांची भरती केली आहे. यामध्ये स्थानिकांनाच रोजगार देण्यात आला आहे. प्रकाश झाडे, वन परीक्षेत्र अधिकारी, श्रदेय अटल बिहारी वाजपेयी बॅटनिकल गार्डन, विसापूर.
