शेतकऱ्यांनी शेतकरी ओळख क्रमांकासाठी नोंदणी करावी

ई-केवायसी पासून होणार सुटका

सिंदेवाही : शासनाच्या कृषीसंलग्न असलेल्या विविध योजनांचा लाभ पात्र शेतकऱ्यांपर्यंत जलदगतीने व अधिक प्रभावीपणे पोहोचवण्यासाठी ऍग्रीस्टॅक योजने अंतर्गत शेतकऱ्यांना शेतकरी ओळख क्रमांक दिला जात आहे. तरी सिंदेवाही तालुक्यातील जास्तीत जास्त शेतकऱ्यांनी तात्काळ जवळच्या नागरी सुविधा केंद्रावर (सि एससी सेंटर) नोंदणी करून शेतकरी ओळख क्रमांक प्राप्त करण्याचे आवाहन सिंदेवाही तहसीलदार संदीप पानंमद यांनी केले आहे.

.    प्रत्येक शेतकऱ्यांचे सहज आणि सुलभपणे शेतकरी ओळख क्रमांक नोंदणी व्हावे. यासाठी तालुक्यातील प्रत्येक गावात शिबिराचे आयोजन करण्यात आले असून तहसील कार्यालय सिंदेवाही येथे सुद्धा ऍग्रीस्टॅक योजनेंतर्गत नोंदणीसाठी शेतकऱ्याकरिता स्वतंत्र मदत कक्ष निर्माण करण्यात आला आहे. त्यामुळे सिंदेवाही तालुक्यातील प्रत्येक शेतकऱ्यांनी आपला शेतकरी ओळख क्रमांक ( फार्मर्स आयडी ) प्राप्त करून घेण्यासाठी तात्काळ नोंदणी करावी. असे आवाहन करण्यात आले.