अविता चंद्रशेखर लडके यांना मतदारांचा वाढता पाठिंबा!
चंद्रपूर : चंद्रपूर महानगरपालिका निवडणुकीचे रणशिंग फुंकले गेले असून महाकाली प्रभाग क्रमांक १२-ब मध्ये राजकीय वातावरण चांगलेच तापले आहे. भारतीय जनता पार्टी, शिवसेना आणि आरपीआय (आठवले) युतीच्या अधिकृत उमेदवार अविता चंद्रशेखर लडके यांनी आपल्या झंझावाती जनसंपर्काने प्रभागात प्रचाराची आघाडी घेतली असून, त्यांच्या बाजूने मतदारांमध्ये विश्वासाची मोठी लाट पाहायला मिळत आहे.
थेट संवाद आणि स्थानिक प्रश्नांची जाण : अविता लडके यांनी प्रचारादरम्यान प्रभागातील कानाकोपऱ्यात जाऊन सर्वसामान्य नागरिकांशी थेट संवाद साधला आहे. केवळ घोषणाबाजी न करता स्थानिक समस्यांची सखोल जाण आणि त्या सोडवण्याची स्पष्ट भूमिका यामुळे मतदारांना त्या आपल्या हक्काच्या प्रतिनिधी वाटू लागल्या आहेत. प्रामुख्याने स्वच्छता, नियमित पाणीपुरवठा, सुसज्ज रस्ते आणि आरोग्य सुविधा यांसारख्या मूलभूत प्रश्नांवर त्यांनी आपला ठाम भर दिला आहे.
‘राजकारण नव्हे, सेवा‘ हाच मंत्र : “मी राजकारण करण्यासाठी नाही, तर प्रभागातील नागरिकांची सेवा करण्यासाठी मैदानात उतरली आहे,” हा त्यांचा दृष्टिकोन मतदारांच्या मनाला भिडत आहे. युवकांसाठी रोजगाराच्या संधी उपलब्ध करून देणे आणि महिलांच्या आर्थिक सक्षमीकरणासाठी विविध योजना राबवण्याचा त्यांचा संकल्प प्रभागातील बदलत्या वातावरणाचे मुख्य कारण ठरत आहे.
युतीची ताकद आणि स्वच्छ प्रतिमा : भाजपा, शिवसेना आणि आरपीआय युतीची भक्कम संघटनात्मक ताकद आणि अविता लडके यांची संयमी, स्वच्छ प्रतिमा यामुळे विरोधकांसमोर मोठे आव्हान उभे राहिले आहे. “प्रभागाचा कायापालट करू शकणारा आणि कामाचा माणूस हवा,” ही भावना आता मतदारांमध्ये प्रबळ होत असून, ‘कमळ’ चिन्हावर मतदान करून विकासाला संधी देण्याचे आवाहन नागरिकांकडूनच केले जात आहे.
. महाकाली प्रभाग १२-ब मध्ये यावेळी ‘आपली ताई‘ मोठ्या मताधिक्याने विजयी होणार, असा विश्वास प्रभागातील जनतेतून व्यक्त होत आहे.
