वरोरा : राजमाता जिजाऊ जयंती व स्वामी विवेकानंद जयंती निमित्त समृद्धी प्रकाशन सिंधुदुर्ग, विसावा सोशल फाउंडेशन पुणे, हिरकणी महिला विकास संस्था पुणे, यांच्या संयुक्त विद्यमाने पुणे येथे आयोजित करण्यात आला. हा पुरस्कार सोहळा कला, शिक्षण, साहित्य, समाज, उद्योग, युवक सांस्कृतिक, महिला अशा विविधांगी क्षेत्रात असामान्य वाटचाल करणाऱ्या व्यक्ती व संस्थांचा विलोभनीय सत्कार सोहळा आयोजित करण्यात आला होता. हा सोहळा दिनांक १२ जानेवारी २०२५ रोजी पत्रकार भवन, गांजवे चौक, नवी पेठ, पुणे येथे संपन्न झाला.
. या सोहळ्यामध्ये कवी नीरज आत्राम वरोरा जिल्हा चंद्रपूर यांना त्यांच्या सामाजिक, शैक्षणिक, साहित्यिक कार्याची दखल घेऊन राष्ट्रीय स्वामी विवेकानंद युवा सामाजिक पुरस्काराने सन्मानित करण्यात आले. हा पुरस्कार सहकार आणि नागरी विमान वाहतूक केंद्रीय मंत्री भारत सरकार ना. मुरलीधर (अण्णा ) मोहोळ, खासदार श्रीरंग बारणे, अ. भा. मराठी चित्रपट महामंडळ अध्यक्ष, अभिनेते मेघराज राजे भोसले, भूमाता ब्रिगेड अध्यक्ष तृप्ती देसाई, लक्ष्मीची पाऊले मालिका फेम अभिनेता ध्रुव दातार, सुपेकर संजय कुलकर्णी, साहित्यिक शरद गोरे, प्रा. डॉ. बी. एन. खरात, वेद पाठक, संदीप राक्षे, स्वाती तरडे, प्रा. नितीन नाळे, विनोद देशमुख या मान्यवरांच्या हस्ते पुरस्कार प्रदान करण्यात आला. या सोहळ्याला बहूसंख्य नागरिकांची उपस्थिती लाभली.
. नीरज आत्राम यांना राष्ट्रीय स्वामी विवेकानंद युवा सामाजिक पुरस्कार मिळाल्याबद्दल त्यांचे कौतुक आणि त्यांचेवर सर्व स्तरातून अभिनंदनचा वर्षाव होत आहे.
