वरोरा : इयत्ता पहिली ते आठवीपर्यंतच्या मुला-मुलींना स्थानिक उपलब्ध असलेल्या साहित्यातून विज्ञानाचे प्रयोग करता यावे याकरिता विज्ञान समृद्धी पुस्तक तयार करण्यात आले. या पुस्तकाचे प्रकाशन एका कार्यक्रमात करण्यात आले.
. विज्ञान समृद्धी पुस्तकाच्या लेखिका तथा जिल्हा परिषद उच्च प्राथमिक शाळा कचराळ्याच्या प्रभारी मुख्याध्यापिका उज्वला प्रवीण खिरटकर या आहेत. विज्ञान समृद्धी पुस्तक प्रकाशन सोहळ्याच्या अध्यक्षस्थानी माजी नगराध्यक्ष विलास टिपले होते. यावेळी खासदार प्रतिभा धानोरकर, भद्रावती पंचायत समितीचे गटशिक्षणाधिकारी डॉ. प्रकाश महाकाळकर, ओंकार कॉन्व्हेंट च्या मुख्याध्यापिका विद्या काळे, वनपरिक्षेत्र अधिकारी सतीश शेंडे, महारोगी सेवा समिती आनंदवनची विश्वस्त सुधाकर कडू, सोनंम मडावी, प्रा. डॉ. प्रशांत खुळे, स्थळ चित्रपटाची निर्माते जयंत सोमलकर, वामन ठावरी, प्रवीण खिरटकर उपस्थित होते.
. कार्यक्रमाचे संचालन रेखा झाडे तर पुस्तकाची विवेचन प्राध्यापक डॉक्टर प्रशांत खुळे यांनी केले तर उपस्थितांचे आभार कल्पना कथडे यांनी मानले.
