वरोरा : सार्वजनिक वितरण प्रणालीत पॉस मशीनने महत्व मागील काही वर्षात सिध्द केले आहे. राशन वितरण प्रणालीत पारदर्शकता ही पॉस मशीनमुळे सिद्ध झाले आहे वरोरा .तालुक्यातील 131 रास्त भाव दुकानदारांना नवीन ई-पॉस मशीनचे वितरण करण्यात आले.
. 2016 मध्ये दिलेल्या मशीन कालांतराने अद्यावत करणे आवश्यक होते. त्या अनुषंगाने नवीन फोर-जी नेटवर्क असलेली तसेच आयरिस प्रणालीने युक्त नवीन पॉस मशीन बदलुन देण्याचे शासनाने ठरवले नुसार 30 मे रोजी वरोरा तालुक्यातील 131 रास्त भाव दुकानदारांना नवीन ई-पॉस मशीन तहसिलदार प्रशासन मार्फत वाटप करण्यात आले. नवीन पॉस मशीनद्वारे गतिशील नेटवर्कने लाभार्थ्यांना धान्य वितरण करणे आणखी गतिशील होणार आहे.
. रास्त भाव दुकानदारांना नवीन ई-पॉस मशीनचे वितरण करतांना तहसीलदार योगेश कौटकर व निरीक्षण अधिकारी विशाल गवई तसेच सिस्टिम इंटिग्रा चे राजेश चंगोले व कार्यालयीन चमु नंदकिशोर मांडवकर व अर्पण राउत हे उपस्थित होते.
आधार सत्यापन व मोबाईल सीडींग तात्काळ करा तहसील प्रशासन द्वारे वरोरा तालुक्यातील सर्व शिधा पत्रिका धारकांना जवळच्या रास्त भाव दुकानात जाउन मशीनव्दारे लाभार्थ्यांचे आधार सत्यापन व मोबाईल सीडींग 31 जुन पुर्वी करुन घ्यावे असे आवाहन करण्यात येत आहे.
