भद्रावती तालुक्यातील देऊळवाडा येथील घटना
पोलिसांनी सरावासाठी केलेली फायरिंग ची गोळी असल्याचा गावकर्‍यांचा अंदाज
चंद्रपुर
. बुधवारी भद्रावती पोलिसांनी सकाळी ९ वाजताच्या सुमारास विजासन टेकडीवर फायरिंग करीत असताना त्याच वेळेवर सकाळी ९.१५ वाजता देऊळवाडा येथील मधुकर पारखी यांच्या घरावरील टीनाचे छताला छेद पाडून बंदुकीची गोळी घरात पडल्याची घटना बुधवारी सकाळी ९.१५ वाजता घडली. या बंदुकीच्या गोळीचा आवाज येताच गावातील नागरिक आवाजाच्या दिशेने धावतात. मात्र सुदैवाने यात कोणतीही दुर्घटना घडली नाही.
. पोलिसांना शस्त्राचा विसर पडू नये म्हणून पोलिसांना दरवर्षी सरावा साठी फायरिंग ची ट्रेनिंग दिल्या जाते. या फायरिंग मध्ये कोणत्या कर्मचार्‍यांची किंवा अधिकार्‍यांची गोळी किती अंतरापर्यंत जाते याची सुद्धा नोंद केल्या जाते यात ज्याचा नेम चांगला असतो त्यांना मिशन साठी निवडल्या जातात. मात्र या फायरिंग पासून कोणतीही दुर्घटना होऊ नये म्हणून फायरिंग करताना गावातील पोलीस पाटलांच्या माध्यमातून आजूबाजूच्या गावांना मुनारी दिली जाते. त्यानुसार गावकरी सावधान होतात. असच ट्रेनिंग भद्रावती पोलिसांनी दिनांक २९ ऑक्टोबर ते ७ नोव्हेंबर या दरम्यान भद्रावती शहरलगत असलेल्या विजासण टेकडीवर सुरू केले होते. ट्रेनिंग सुरू करताना आजूबाजूच्या गावातील पोलीस पाटलांच्या माध्यमातून गावात मुनारी देण्यात आली. विजासण टेकडी पासून ३ ते ४ किलोमीटर अंतरावर देऊळवाडा खेडेगाव आहे. दि. १ बुधवारी सकाळी ९ वाजता भद्रावती पोलिसांचे फायरिंग सुरू असताना अगदी त्यावेळेतच देऊळवाडा येथील मधुकर पारखी यांच्या घराजवळ गोळीचा भयंकर आवाज आला. आवाज येताच गावकरी मधुकर पारखी यांच्या घराकडे धावू लागले . त्या दरम्यान मधुकर पारखी हे घरासमोर सोयाबीन गालात होते. हळूहळू गर्दी वाढली. त्याच दरम्यान दैनिक नवजीवन चे प्रतींनिधी तिथे पोहचले त्यांनी घराच्या छताची पाहणी केली असता टीनाच्या छताला होल पडल्याचे दिसून आले. त्यानंतर घरात जाऊन बघितले तर बंदुकीची गोळी दिसून आल्याने एकच खळबळ उडाली. याबाबत तात्काळ भद्रावती पोलिसांना माहिती देण्यात आली. घटनेचे गांभीर्य लक्षात घेत पोलीस उपनिरीक्षक अमोल कोल्हे व पोलीस उपनिरीक्षक किटे तात्काळ घटनास्थळी दाखल झाले. आणि गावकर्‍यांची विचारपूस करून बंदुकीची गोळी घेऊन भद्रावती पोलिसात जमा करण्यात आली असून नेमकी बंदुकीची गोळी ४ किलोमीटर अंतरापर्यंत गेलीच कशी अश्या विचारात आज दिवसभर पोलीस प्रशासन पडलेले असताना दिसले. या घटनेबाबत आमच्या प्रतींनिधींनी भद्रावतीचे ठानेदार यांच्याशी संपर्क करण्याचा प्रयत्न केला मात्र त्यांनी बोलणे टाळले.
सुदैवाने मुलगी बचावली भद्रावती पोलीस फायरिंग चा सराव करीत असताना अचानक एक बंदुकीची गोळी मधुकर पारखी यांच्या घराच्या छतावरील टीनाला छेदून घरात आली. त्याच वेळेत पारखी यांची मुलगी घरात झोपली होती. नशीब एवढे बलवत्तर की बंदुकीची गोळी तिच्या जवळ पडली मात्र कोणतीही दुर्घटना घडली नाही.
२ ते ३ वर्षापासून गावात बंदुकीची गोळी येत आहे विजासण टेकडीवर दि. ३० ते ५ नोव्हेंबर ला फायरिंग होत असल्याने गावकर्‍यांनी सावधानता बाळगावी. अशी मुनारी दोन दिवसा पासून दिली आहे. मात्र याच मार्गाने वणी येथे दररोज नागरिक जातात त्यांना आम्ही थांबवू शकत नाही याची व्यवस्था पोलिसांनी केली पाहिजे. २ ते ३ वर्षापासून गावात बंदुकीची गोळी गावकर्‍यांच्या घरावर पडत आहे. याबाबत पोलीस स्टेशन भद्रावती येथे तक्रार सुद्धा केली ज्यांच्या घरी गोळी आली त्यांना हजर केले गोळी पहाण्यासाठी पोलीस ताफा आला होता. सुनीता शिवशंकर पाटील पोलीस पाटील देऊळवाडा
जीव घेतल्यावरच पोलीस प्रशासनाला जाग येतील काय २ वर्षापूर्वी गावातील रामटेके आणि बाळू मत्ते यांच्या घरावर बंदुकीच्या गोळी आवाज येत गोळी पडली मात्र दिसून आली नाही. याबाबत पोलीस प्रशासनाला विचारणा केली तर ते म्हणतात आमची तिथपर्यंत रेंजच नाही. आज घरात गोळी सापडली. पोलिसांनी घेऊन गेली तरी सुद्धा पोलीस प्रशासन याबाबत गप्प आहे. पोलिसांच्या फायरिंग च्या गोळीने एखाद्याचा जीव घेतल्यावरच पोलीस प्रशासनाला जाग येतील काय यावर पोलीस प्रशासणणे कायमस्वरूपी उपाययोजना केली पाहिजे. रवीप्रकाश देठे सरपंच, ग्रामपंचायत देऊळवाडा
ही पहिली वेळ नाही सकाळी घरासमोर आम्ही ३ जण सोयाबीन गाळत असताना अचानक घराच्या टीनावर खूप मोठा आवाज आला. गावकरी जमा झाले. आवाज कशाचा आला म्हणून पाहणी केली तर घरात बंदुकीची गोळी दिसून आली. ही पहिली वेळ नाही तर दोन वर्षापासून कुणाच्या ना कुणाच्या घरावर पडतच असते. माझी मुलगी घरात झोपली होती मात्र सुदैवाने तिला काहीही झाले नाही. मधुकर पारखी घरमालक
फायरिंग एक्सपर्ट करून अहवाल घेत आहे ते गाव तीन ते चार किलोमीटर अंतरावर आहे इतका गोळीचा रेंज पण नाही आहे ३ किलोमीटर गोळी गेली पण ती डॅमेज नाही आहे. हे टेक्निकली शक्य नाही आहे. फायरिंग एक्सपर्ट आहे त्यांच्याकडून अहवाल घेत आहे. उद्या त्या गावात कर्मचारी राहणार आहे. तेव्हा फिजिकली व्हेरिफाय होणार आहे असं काही झालं तर ताबडतोब फायरिंग बंद करणार. आयुष नोपाणी उपविभागीय पोलीस अधिकारी वरोरा
