बल्लारपूर नगरपालिका नगराध्यक्ष पदी ओबीसी महिलेला संधी

नगरपालिकेत पिता-पुत्र व पती – पत्नी झाले नगराध्यक्ष                                                                                                                      बल्लारपूर नगरपालिकेत नगराध्यक्ष होण्याचा इतिहास रंजक आहे. विशेष म्हणजे येथील नगराध्यक्ष पदाची धुरा पुंडलिक माकोडे यांनी तब्बल चारदा नगराध्यक्ष होण्याचा मान मिळविला आहे. तर त्यांचा मुलगा दिलीप माकोडे यांनी दोनदा नगराध्यक्ष पद भूषविले आहे. त्याच प्रमाणे येथील नगरपालिकेत घनश्याम मुलचंदानी यांनी 23 डिसेंबर १९९२ ते १४ जुलै १९९४ दरम्यान नगरपालिकेचा कारभार केला आहे. त्यांची पत्नी रजनी घनश्याम मुलचंदानी यांनी येथे २८ डिसेंबर २०११ ते 13 जुलै २०१४ दरम्यान नगरपालिकेच्या अध्यक्ष होत्या. भाजपाचे नगराध्यक्ष म्हणून हरिश शर्मा कनकमकुमार येलय्या,लखनसिंग चंदेल व भाजपाच्या सहकार्याने छबुताई देवराव मेश्राम यांचा वर्णी लागली होती.

आगामी नगरपालिका निवडणुकीत राहणार 34 नगरसेवक                                                                                                              आगामी नगरपालिका सार्वत्रिक निवडणूक दरम्यान १७ प्रभागातून प्रत्येकी दोन नगरसेवक मतदार निवडणार आहेत. आज मंगळवार ला नगरसेवक पदाचे आरक्षण जाहीर करण्यात आले. प्रभाग क्रमांक १ मध्ये अनुसूचित जमाती महिला व सर्वसाधारण असे आरक्षण आहे. प्रभाग क्रमांक २ मध्ये अनुसूचित जाती व ओबीसी महिला, प्रभाग क्रमांक 3 मध्ये अनुसूचित जाती व ओबीसी महिला, प्रभाग क्रमांक ४ मध्ये ओबीसी महिला व सर्वसाधारण, प्रभाग क्रमांक ५ मध्ये ओबीसी व सर्वसाधारण महिला, प्रभाग क्रमांक ६ मध्ये ओबीसी महिला व सर्वसाधारण, प्रभाग क्रमांक ७ मध्ये अनुसूचित जाती महिला व सर्वसाधारण,प्रभाग क्रमांक ८ मध्ये अनुसूचित जाती महिला व सर्वसाधारण, प्रभाग क्रमांक ९ मध्ये ओबीसी व सर्वसाधारण महिला, प्रभाग क्रमांक १० मध्ये अनुसूचित जाती व सर्वसाधारण महिला, प्रभाग क्रमांक ११ मध्ये अनुसूचित जाती महिला व ओबीसी, प्रभाग क्रमांक १२ मध्ये अनुसूचित जाती व ओबीसी महिला, प्रभाग क्रमांक 13 मध्ये अनुसूचित जमाती व सर्वसाधारण महिला, प्रभाग क्रमांक १४ मध्ये अनुसूचित जाती महिला व सर्वसाधारण, प्रभाग क्रमांक १५ मध्ये ओबीसी व सर्वसाधारण महिला, प्रभाग क्रमांक १६ मध्ये अनुसूचित जाती व सर्वसाधारण महिला, तर प्रभाग क्रमांक १७ मध्ये अनुसूचित जाती महिला व सर्वसाधारण असे नगरसेवकांचे आरक्षण आहे.