पिण्याच्या पाण्याची समस्या सुटणार

आ.सुधीर मुनगंटीवार यांचा पुढाकार

आमदार निधी अंतर्गत 21 हातपंप व सोलार पंप बसविण्याकरीता 71.62 लाखांची प्रशासकीय मान्यता

बल्लारपूर विभानसभा मतदारसंघातील ग्रामीण भागातील नागरिकांना मिळणार मोठा दिलासा

चंद्रपूर : राज्याचे माजी वने, सांस्कृतिक कार्य व मत्स्यव्यवसाय मंत्री आमदार सुधीर मुनगंटीवार यांच्यासमोर कोणतीही समस्या आली, की तिचा ठामपणे पाठपुरावा करून ते नेहमीच ठोस उपाययोजना करतात. समस्या शहरी असो वा ग्रामीण; समाधानकारक मार्ग शोधण्याची आणि जनतेच्या अडचणी दूर करण्याची त्यांची तत्परता नेहमीच अनुभवास येते. आता त्यांच्या पुढाकारामुळे नागरिकांचा पिण्याच्या पाण्याचा प्रश्न सुटणार आहे.

.      बल्लारपूर विधानसभा मतदारसंघातील पिण्याच्या पाण्याच्या समस्येवर तोडगा काढण्यासाठी आमदार निधीतून 21 हातपंप व सोलार पंप बसविण्याच्या कामाला एकूण 71 लक्ष 62 हजार रुपयांची प्रशासकीय मान्यता मिळाली आहे. यामुळे मुल, बल्लारपूर, पोंभुर्णा आणि चंद्रपूर तालुक्यातील विविध गावांतील नागरिकांना स्वच्छ पिण्याचे पाणी उपलब्ध होणार आहे. आ. सुधीर मुनगंटीवार यांच्या सातत्यपूर्ण पाठपुराव्यामुळे या योजनेला मंजुरी मिळाल्याने ग्रामीण भागातील नागरिकांना मोठा दिलासा मिळणार आहे.

.       उन्हाच्या तीव्र तडाख्यात पिण्याच्या पाण्याची वाढती गरज लक्षात घेऊन आमदार सुधीर मुनगंटीवार यांनी बल्लारपूर विधानसभा क्षेत्रातील विविध भागांमध्ये हातपंप व सोलार पंप बसविण्यासाठी पुढाकार घेतला होता. यामुळे ग्रामीण भागातील सोलार पंप लवकरच कार्यान्वित होणार आहेत.

.       या कामांमुळे उन्हाच्या तीव्र तडाख्यात पिण्याच्या पाण्याची वाढती गरज पूर्ण करता येणार आहे. गावांमधील पिण्याच्या पाण्याची समस्या सुटेल आणि स्वच्छ पाणीपुरवठ्यामुळे नागरिकांना मोठा दिलासा मिळेल, असा विश्वास आमदार सुधीर मुनगंटीवार यांनी व्यक्त केला आहे.