बल्लारपूर पोलिसांची कारवाई
बल्लारपूर : शहरात पेट्रोलींग करित असतांना बल्लारपूर पोलिसांना तीन युवक देशी कट्टा घेऊन फिरत असल्याची गोपनीय माहिती मिळताच साईबाबा वार्ड, बल्लारपुर येथे देशी कट्टा व जिवंत काडतूस घेऊन फिरताना तीन युवकांना बल्लारपूर पोलिसांनी ताब्यात घेतले. अभि वाल्मीक साव (२४) रा. दत्त नगर चंद्रपूर, विनीत तावाडे (२४) रा. बापट नगर चंद्रपूर, संकेत रविंद्र येसेकर रा. राजनगर पठाणपुरा रोड चंद्रपूर असे आरोपीचे नाव आहे
. बल्लारपूर पोलीस स्टेशन चे गुन्हे शोध पथक चे सहायक पोलीस निरीक्षक मदन दिवटे हे डि.बी. स्टॉफसह पेट्रोलींग करित असतांना त्यांना गोपनीय माहिती मिळाली की साईबाबा वार्ड, बल्लारपुर येथे ३ युवक देशी कट्टा घेऊन फिरत आहे. त्यावरून त्यांना ताब्यात घेत एक लोखंडी गावठी बनावटीचा देशी कट्टा किंमत २० हजार रुपये व एक नग पितळी धातुचे जिवंत बुलेट किंमत २ हजार रुपये असे एकुण २२ हजार रुपयांचा मुद्देमाल त्यांच्या जवळून जप्त करण्यात आले. आरोपी अभि वाल्मीक साव , विनीत नानाजी तावाडे , संकेत रविंद्र येसेकर यांच्या विरुध्द अप क्रं. २२४/२०२५ कलम ३,२५ भारतीय हत्यार कायदा १९५९ अन्वये गुन्हा नोंद करुन तिन्ही आरोपींना अटक करण्यात आले.
. सदरची कारवाई पोलीस अधिक्षक मुम्मका सुदर्शन, अपर पोलीस अधिक्षक रिना जनबंधु, उपविभागीय पोलीस अधिकारी दिपक साखरे राजुरा यांच्या मार्गदर्शनाखाली पोलीस निरीक्षक श्याम गव्हाणे, सहायक पोलीस निरीक्षक मदन दिवटे, परि.पो.उप.नि. सौरभ साळुखे, परि.पो.उप.नि. सुनिल धांडे, सफौ. आंनद परचाके, पो.हवा. सुनिल कामटकर, पो.हवा. पुरुषोत्तम चिकाटे, पोहवा. संतोष दंडेवार, पो.हवा. संतोष पंडित, पोहवा. सत्यवान कोटनाके, पो.अं. वशिष्ट रंगारी, लखन चव्हाण, शरदचंद्र कारुष, शेखर माथनकर, भास्कर चिचवलकर, आदींनी केली.
