सिंदेवाही : क्रीडा व युवक संचालनालय, महाराष्ट्र राज्य, पुणे व जिल्हा क्रीडा परिषद, चंद्रपूर द्वारा आयोजित जिल्हास्तरीय शालेय बुद्धिबळ स्पर्धा वयोगट १७ वर्षाखालील तालुका क्रीडा संकुल, विसापूर (बल्लारशाह) येथे ३१ आगस्ट २०२४ रोजी आयोजित करण्यात आली. यामध्ये सर्वोदय कन्या विद्यालयाची विद्यार्थिनी साबेरी शशिकांत कामतवार हीने जिल्हास्तरावर प्रथम क्रमांक पटकावून विभाग स्तरावर आपली निवड निश्चित केली आहे.
. जिल्हास्तरीय शालेय बुद्धिबळ स्पर्धा विसापूर येथील क्रीडा संकुलात आयोजित करण्यात आली होती. सदर स्पर्धेत विद्या प्रसारक संस्था सिंदेवाही द्वारा संचालित सर्वोदय कन्या विद्यालय, सिंदेवाही ची विद्यार्थीनी साबेरी शशिकांत कामतवार हिने जिल्हास्तरीय अंतिम सामन्यात विजय संपादन करून विभाग स्तरावर आपली निवड निश्चित केली आहे. साबेरी हीने जिल्हा स्तरावर विजय संपादन करून विभाग स्तरावर गेली असल्याने संस्थेचे अध्यक्ष योगेंद्र जयस्वाल, सचिव अरविंद जयस्वाल, मुख्याध्यापिका संगिता यादव, पर्यवेक्षक विलास धुळेवार, क्रीडा शिक्षक कृष्णा ठिकरे, विनय खोब्रागडे, किशोर कावळे व इतर शिक्षकांनी साबेरीचे अभिनंदन केले आहे.
