वरोरा : राष्ट्रीय रस्ता सुरक्षा अभियान अंतर्गत जिल्हा रस्ता सुरक्षा समिती चंद्रपुर तर्फे प्रादेशिक परिवहन अधिकारी किरण मोरे यांच्या मार्गदर्शनाखाली रस्ता सुरक्षा हेल्मेट रॅली चे वरोरा येथे बुधवारी आयोजन करण्यात आले होते.
. या रॅली चे उद्घाटन उपविभागीय अधिकारी शिवनंदा लांगडापुरे, तहसीलदार योगेश कौटकर यांच्या हस्ते करण्यात आले. तर प्रमुख अतिथी म्हणून पोलीस निरीक्षक अमोल काचोरे रस्ता सुरक्षा कार्यक्रमाला उपस्थित होते. वाहतूक शाखा चंद्रपुर तर्फे रस्ता सुरक्षा चित्ररथ व हेल्मेट चे प्रतिकात्मक वाहन उपलब्ध करून देण्यात आले. रॅली मध्ये साधारण ७० नागरीकांनी सहभाग नोंदविला त्यात मुख्यतः स्त्रियांनी सहभाग नोंदविला. तसेच रस्ता सुरक्षा प्रश्नावली आयोजित करण्यात आली. व विजेत्यांना रस्ता सुरक्षा कप व कॅप प्रदान करण्यात आले.
. रॅली चे नियोजन मोटर वाहन निरीक्षक दीपक काळे यांच्या मार्गदर्शनाखाली सहाय्यक मोटर वाहन निरीक्षक अमानुल अन्सारी, गौरव टेलरांधे, अनुराग सालनकर, गजानन टाले, वाहन चालक, प्रादेशिक परिवहन अधिकारी कार्यालय चंद्रपुर तथा वरोरा पोलीस स्टेशनच्या वाहतूक विभागाच्या चमुने यशस्वीतेकरिता परिश्रम घेतले.
