एकाच कुटुंबात कर्ज वाटत
नागभीड
. नागभीड येथील सम्यक पतसंस्थेच्या संचालक मंडळातील काही विद्यमान संचालकांनी स्वतः व त्यांच्या कुटुंबातील नातेवाईकांना भरमसाठ कर्जाचे वाटप केले व पतसंस्थेच्या आर्थिक व्यवहाराला चुना लावण्याचा लाजिरवाणा प्रकार केलेला आहे मात्र पतसंस्थेच्या काही प्रामाणिक गरजू सभासदांनी कर्जाची मागणी केली असता त्यांना मात्र टाळाटाळ केली जात असल्याचा आरोप काही सभासदांकडून केल्या जात आहे.
. हातात सत्ता असल्यानंतर माणुस सत्तेच्या गुर्मीमध्ये कसे कसे चुकीचे अंगलट येणारे निर्णय घेऊन आपली सत्तेची हौस पूर्ण करण्याचा प्रयत्न करतो व स्वतःच जाळ्यात अडकतो याचा प्रत्यय नागभीड येथील सम्यक ग्रामीण बिगर शेती सहकारी पतसंस्था मर्यादित नागभीड च्या कारभारावरून लक्षात येते.
. नागभीड येथील सम्यक पतसंस्थेच्या संचालक मंडळातील काही विद्यमान संचालकांनी स्वतः व त्यांच्या कुटुंबातील नातेवाईकांना भरमसाठ कर्जाचे वाटप केले व पतसंस्थेच्या आर्थिक व्यवहाराला चुना लावण्याचा लाजिरवाणा प्रकार केलेला आहे मात्र पतसंस्थेच्या काही प्रामाणिक गरजू सभासदांनी कर्जाची मागणी केली असता त्यांना मात्र टाळाटाळ केली जाते.
“सहकार कायदा अधिनियम 1960 व 1961″ आणि ” संस्थेची आदर्श उपविधी ” नुसार पतसंस्थेच्या निवडणुकीला उभे राहणाऱ्या उमेदवारावर कर्जाचा बोजा नसावा हा नियम असताना सुद्धा विद्यमान संचालक मंडळातील काही संचालकांनी अर्ज भरला व एकतर्फी निवडणूक लढविली.
. उमेदवारी अर्ज भरताना काय ह्या संबंधित उमेदवारांनी त्यांच्यावर असलेल्या कर्जाची माहिती संबंधित सहाय्यक निबंध कार्यालयाला दिली होती? व दिलेली असेल तर संबंधित अधिकाऱ्यांनी अशा दोषी उमेदवारांना निवडणूक लढविण्याची परवानगी कशी काय दिली ? असे संचालक मंडळ अपात्रतेच्या कार्यवाहीस पात्र आहेत.
. अशा विद्यमान संचालक मंडळातील काही संबंधित संचालकावर संबंधित अधिकारी काय कायदेशीर कार्यवाही करतात हे जाणून घेण्यासाठी सम्यक पतसंस्थेतील भाग भांडवलदार आस लावून बसलेले आहेत.
पतसंस्थेच्या कारभारात काहीही गैर नाही संचालक मंडळातील संचालक किंवा त्यांचे नातेवाईक हे पतसंस्थेचे सभासद आहेत.तसेच ते एकाच कुंटुबात नसुन त्यांचे वेगवेगळे कुंटुब आहेत. ते स्वतंत्र सभासद असल्यामुळे त्यांना लोन देण्यास काहीही गैर नाही.त्यांच्या पैकी काही खातेदारांनी आपले कर्ज भरलेले आहे. ज्यांनी कर्ज भरलेले नाही त्या खातेदारांवर वसुलीची कारवाई करण्यात येत आहे. पतसंस्थेच्या कारभारात काहीही गैर नाही. शाम रामटेके, अध्यक्ष, सम्यक ग्रामीण बिगरशेती पतसंस्था मर्यादित नागभीड
