पत्रकार परिषदेतून मागणी
रोजगार सेवकांनी भ्रष्ट्राचार केला असल्याचा पेंदाम यांचा आरोप
सिंदेवाही : पंचायत समिती सिंदेवाही अंतर्गत येत असलेल्या कळमगाव गन्ना येथील रोजगार हमी योजनेत गैरव्यवहार झाला असून याला जबाबदार रोजगार सेवक कोमल गेडाम असल्याचा आरोप पुरुषोत्तम पेंदाम यांनी केला असून रोजगार सेवकावर तात्काळ कारवाही करण्यात यावी. अशी मागणी पत्रकार परिषदेतून केली आहे.
. कळमगाव गन्ना येथील रोजगार हमीचे काम सुरू असताना ग्राम रोजगार सेवक यांनी कामावर न गेलेल्या व्यक्तीचे फोटो काढून त्यांचे बँक खात्यात पैसे जमा केले असून माझे खात्यात जमा झालेले पैसे मला काढून देण्यासाठी माझ्या मागे रोजगार सेवक यांनी तगादा लावला आहे. असा आरोप पेंदाम यांनी केला आहे. रोजगार सेवक यांचेवर विभागाने कारवाही करावी. यासाठी गट विकास अधिकारी यांचेकडे तक्रार दाखल केली आहे. मात्र कोणतीही कारवाही न झाल्याने उपजिल्हाधिकारी यांचेकडे तक्रार दाखल करताच कारवाही करण्याचे आदेश दिले असल्याने रोजगार सेवक यांचेवर कारवाही करण्यात यावी. अशी मागणी पुरुषोत्तम पेंदाम यांनी केली आहे.
सदर आरोप करणारा व्यक्ती हा रोजगार हमी कामावर आला असून त्याचे कामावर आल्याचे फोटो सुद्धा आहेत. मस्टर वर त्याचा अंगठा घेऊनच त्याचे खात्यात त्याच्या कामाचे पैसे जमा करण्यात आले आहेत. आणि जमा झालेले पैसे त्यांनी काढून खर्च सुद्धा केले असल्याने त्याला काढून मागण्याचा प्रश्नच येत नाही. त्यांनी केलेले सर्व आरोप खोटे असून तक्रारदार व्यक्ती अशिक्षित असल्याने त्याच्या अशिक्षित पणाचा फायदा घेऊन समाजातील माझा वैयक्तिक विरोध असलेल्या व्यक्तीने सदर व्यक्तीला पैसे देण्याचे आमिष दाखवून माझ्या नावाने खोटी तक्रार दाखल करायला भाग पाडले आहे. चौकशी झाल्यास सत्य समोर येईल. यात तिळमात्र शंका नाही. कोमल गेडाम, रोजगार सेवक, ग्राम पंचायत कार्यालय कळमगाव गन्ना
