- मुख्यमंत्र्यांचा चंद्रपुर जिल्हा दौरा
- किशोर डुकरे यांच्या घरी सकाळ पासून पोलिस तैनात
चंद्रपूर : मुख्यमंत्री एकनाथ शिंदे मंगळवारी चंद्रपूर जिल्ह्याच्या दौऱ्यावर येणार असल्याने कोणताही अडथळा निर्माण होऊ नये यासाठी पोलिस प्रशासनाने सावधानीता बाळगत वरोरा तालुक्यातील आसाळा येथील सामाजिक कार्यकर्ते किशोर डुकरे यांच्या घरी मंगळवारी सकाळ पासून तीन पोलिस कर्मचारी तैनात करीत दिवसभर किशोर डुकरे यांच्या हालचालीवर नजर ठेवून होते. तर चंद्रपूरात माजी नगरसेवक पप्पू देशमुख यांनी आंदोलनकरू नये म्हणून रामनगर पोलिसांनी त्यांना ताब्यात घेतले.
. मागील काही महिन्यापूर्वी खेमजई येथे विकसित भारत संकल्प यात्रा चे आयोजन करण्यात आले होते. याकरिता पेट्रोलियम व केंद्रीय नैसर्गिक वायु मंत्री हरदिप सिंह पुरी हे उपस्थित राहणार होते. याबाबत सामाजिक कार्यकर्ते किशोर डुकरे यांना माहीत पडताच डुकरे यांनी आपल्या सहकार्‍यांना घेऊन आसाळा गावाजवळ पेट्रोलियम व केंद्रीय नैसर्गिक वायु मंत्री हरदिप सिंह पुरी यांच्या वाहनाच्या ताफ्या समोर उभे राहत काळे झेंडे दाखविले होते. त्यामुळे किशोर डुकरे व त्यांच्या सहकार्‍यांना शेगाव पोलिसांनी अटक केली होती. मंगळवारी मुख्यमंत्री एकनाथ शिंदे चंद्रपूर जिल्ह्याच्या दौऱ्यावर येणार असल्याने पुन्हा ती पुनरावृत्ती होऊ नये म्हणून पोलिस प्रशासनाने सावधानता बाळगीत किशोर डुकरे यांच्या घरी सकाळपासून तीन पोलिस कर्मचार्‍यांना तैनात करून डुकरे यांच्या हालचालीवर दिवसभर देखरेख करीत होते. तर 12 मार्चला राज्याचे मुख्यमंत्री एकनाथ शिंदे यांच्या हस्ते पालिकेच्या 542 कोटीच्या मल निस्सारण प्रकल्पाचे भूमिपूजन होणार आहे, मात्र 15 वर्षापूर्वी 100 कोटींचा मलनिस्सारण प्रकल्प बुडीत गेल्यावर सुद्धा प्रशासनाने त्यावर चौकशी लावली नाही आणि उलट पुन्हा दुसरा प्रकल्पाचे भूमिपूजन आज होणार आहे आम्ही चंद्रपुरातील जनतेवर अन्याय होऊ देणार नाही असा इशारा माजी नगरसेवक पप्पू देशमुख यांनी प्रशासनाला दिला होता. त्यामुळे माजी नगरसेवक पप्पू देशमुख यांनी आंदोलन करू नये म्हणून रामनगर पोलिसांनी त्यांना ताब्यात घेतले .
. मुख्यमंत्री एकनाथ शिंदे मंगळवारी दुपारी 4.30 वाजता डॉ.बाबासाहेब आंबेडकर आंतरराष्ट्रीय नागपूर विमानतळावर उतरले. आणि हेलिकॉप्टरने चंद्रपूरात आले. सायंकाळी पाच वाजता चंद्रपूर येथील मोरवा विमानतळ हेलिपॅडवर पोहोचले. त्यानंतर कारने फॉरेस्ट अकादमी चंद्रपूरकडे रवाना झाले. यानंतर संध्याकाळी 6 वाजता अटलबिहारी वाजपेयी बोटॅनिकल गार्डनची पाहणी करीत फिरत्या जनसंपर्क कार्यालयाचे उद्घाटन मुख्यमंत्री शिंदे यांच्या हस्ते सायंकाळी ७ वाजता चंद्रपूर जिल्ह्यातील विविध विकास कामांचे भूमिपूजन, लोकार्पण व उद्घाटन करण्यात आले.
मी चोर नाही ! शेतकरी आहे ! मुख्यमंत्री एकनाथ शिंदे यांचा आज चंद्रपुर जिल्हा दौरा असल्याने पोलीस प्रशासनाने माझ्यावर देखरेख करण्यासाठी माझ्या घरी सकाळपासून तीन पोलिस कर्मचारी तैनात केले. “मी चोर किंवा गुंड नाही” “मी शेतकरी आहे”. पोलीस प्रशासनाने हेच पोलिस कर्मचारी अवैद्य धंदे करणार्‍याच्या घरासमोर तैनात केले तर अवैद्य व्यवसायाला आळा बसेल. त्यामुळे कायदा व सुव्यवस्था अबाधित राहील. मी शेतकर्‍यांच्या हक्का साठी लढत असतो. आज पोलिसांनी मला घराबाहेर जाऊ दिले नसल्याने माझे शेतीचे कामे खोळंबली आहे. त्याची भरपाई पोलीस प्रशासनाने द्यावी. किशोर डुकरे, सामाजिक कार्यकर्ता, वरोरा
जनतेच्या पैश्याची उघडपणे लूट आधीच नागरिक प्रदूषणाने त्रस्त आहे, 100 कोटींचा मलनिस्सारण प्रकल्प बुडीत गेला त्याची चौकशी प्रशासनाने लावली नाही. मात्र पुन्हा नवा 542 कोटींचा प्रकल्प सुरू होत आहे, ही जनतेच्या पैश्याची उघडपणे लूट सुरू आहे. पप्पू देशमुख, माजी नगरसेवक, चंद्रपुर
