नवतळा शेतशिवारातील घटना
नेरी
. नेरी वरून जवळ असलेल्या नवतळा येथील शेतात काम करीत असलेल्या महिलेवर रानटी डुकराने हल्ला करून जखमी केले सदर हल्ल्यात महिला गंभीर जखमी झाली असून चिमूर येथील उपजिल्हारुग्णालयात उपचार घेत आहे सुदैवाने आजूबाजूच्या शेतकऱ्यांनी धाव घेतल्याने जीवितहानी टळली.
. नवतळा येथील शालिनी मारोती बारसागडे (60 ) ही सकाळी 10 वाजता शेतातील काम करण्यासाठी शेतात गेली असता शेतात एकटीच होती ऐन दुपारी 12 वाजता दरम्यान ऐका रानटी डुकराने शेतात आगमन करीत सरळ शालिनी बाईवर हल्ला चढवला मात्र शालिनी ला या डुकराचा मागोवा सुद्धा लागला नाही ती तुरी च्या शेंगा तोडीत होती रानटी डुकराची धडक इतकी जोरदार होती की सरळ पाळीवरून खाली कोसळली यामध्ये तिला गंभीर मार लागला व ती जखमी झाली खाली पडताच ती जोरात ओरडल्याने आजूबाजूच्या शेतातील नागरिक तिच्या आवाजाच्या दिशेने धावले लोकांना पाहून रानटी डुकर पसार झाले त्यामुळे सुदैवाने तिचे प्राण वाचले सदर शेतकऱ्यांनी तिला उचलून घरी नेले व तात्काळ वाहन करून उपचारासाठी उपजिल्हा रुग्णालयात दाखल केले वृत्त लिहिपर्यत वनविभाग पोहचले की नाही याची माहिती मिळाली नाही सदर महिलेला वनविभागाने उपचारासाठी मदत द्यावी अशी मागणी गावकरी करीत आहेत.
