वरोरा विधानसभा क्षेत्रात पदाधिकार्‍यात फेरबदल : शिवसेना (उबाठा) ची गटबाजी चव्हाट्यावर
चंद्रपुर
. वरोरा भद्रावती तालुक्यात नुकतीच युवा सेनेची नवीन कार्यकारिणी घोषित करण्यात आली या कार्यकारिणीत बराच फेरबदल करण्यात आला. नागपुर विभागीय सचिव नीलेश बेलखेडे यांनी युवा सेना जिल्हाप्रमुख मनीष जेठाणी यांना विश्वासात न घेता वरोरा भद्रावती विधानसभा क्षेत्राच्या कार्यकारिणीत बदल केल्याने मनीष जेठाणी यांनी जिल्हाप्रमुख पदाचा राजीनामा युवासेना प्रमुख आदित्य ठाकरे यांना पाठविल्याने एकच खळबळ माजली असून शिवसेना (उबाठा) ची गटबाजी आता चव्हाट्यावर आली आहे.
. वरोरा भद्रावती विधानसभा प्रमुख म्हणून रवी शिंदे यांनी एक वर्षापूर्वी शिवसेना (उबाठा) पक्षात एंट्री केली. त्यांच्या अचानक झालेल्या एंट्रीने शिवसेना पक्षातून दूर झालेले माजी शिव सैनिक पुन्हा शिवसेना पक्षात जुळले खरे पण शिवसेना पक्ष घेऊन तेवत ठेवणारे शिवसैनिक मात्र दुरावले. रवी शिंदे यांच्या एंट्री नंतर वरोरा भद्रावती विधानसभा क्षेत्रात शिवसेनेचे खर्‍या अर्थाने गटबाजी सुरू झाली. शिवसेना जिल्हाप्रमुख मुकेश जीवतोडे आणि वरोरा विधानसभा प्रमुख रवी शिंदे या दोन्ही गटाकडून वर्षभरापासून शक्ति प्रदर्शन सुरू झाल्याने वरोरा भद्रावती विधानसभा क्षेत्रात शिवसेना उबाठा गटाची गटबाजी उफाळून येताना दिसून येत आहे. तर या गटबाजीला कंटाळून काही पदाधिकारी राजीनामा देत शिवसैनिक म्हणून काम करणे पसंत करीत आहे.
. सध्या विधानसभा, लोकसभा निवडणुका तोंडावर आल्या आहेत. वरोरा भद्रावती विधानसभा क्षेत्रात शिवसेनेची बरीच पकड आहे. त्यामुळे विधानसभेचे तिकीट नेमके कुणाला मिळणार यासाठी रस्सीखेच नक्कीच होणार आहे. मात्र शिवसेना उबाठा च्या गटबाजी मुळे या क्षेत्रात नेमका कुणाचा गेम होणार हेही सांगता येणार नाही. मात्र अनेक वर्षापासून शिवसेना पक्षात शिवसैनिक म्हणून कायम असेलेले मनीष जेठाणी यांना युवा सेना प्रमुख आदित्य ठाकरे यांनी ११ महिन्यापूर्वी युवा सेना चंद्रपुर जिल्हा प्रमुख पदाचा धुरा त्यांच्या खांद्यावर ठेवला. जेठाणी यांनी युवकांची फळी तयार करीत युवा कामगारांचे शिवसेनेत गटबंधन केले. काही दिवसापूर्वी वरोरा भद्रावती विधानसभा क्षेत्रातील कार्यकारिणीत फेरबदल करण्यात आला. मात्र नवीन पदाधिकार्‍यांची यादी बनविण्यात नागपुर विभागीय सचिव नीलेश बेलखेडे यांनी मनीष जेठाणी यांना विश्वासात घेतले नाही आणि विचारणा ही केली नसल्याने जेठाणी यांनी नाराजी व्यक्त करीत युवा सेना जिल्हाप्रमुख पदाचा राजीनामा युवासेना प्रमुख आदित्य ठाकरे यांना पाठविण्यात आल्याने एकच खळबळ उडाली आहे.
विश्वासात न घेता कार्यकारिणी घोषित विभागीय सचिव निलेश वेलखेडे यांनी मला विश्वासात न घेता माझ पद कायम ठेऊन युवा सेनेच्या कार्यकारिणीत फेरबदल केले. माझी कार्यकारिणी माझ्या विश्वासातील नसेल तर मला काम करण्यास अडचण होईल. मी पदावर राहून पक्षाचे नुकसान बघू शकत नाही. पक्षात असलेल्या गटबाजी मुळे छोट्या कार्यकर्त्याना नाहक त्रास सहन करावा लागत आहे. याकडे पक्ष प्रमुखांनी लक्ष देणे गरजेचे आहे. 
मनीष जेठाणी, शिवसैनिक वरोरा
